Witaj k nam!
Witaj na nowu stronu PAWKa!
Tu namakaš wšitke informacije wo nas. Móžeš tu w rubrice kalender do přichoda, w rubrice archiw do zašłosće hladać a we rubrikomaj wo nas a partnerojo pohibuješ so takrjec w přitomnosći!
Nadźijamy, zo wšitke wažne informacije, za kotrymiž pytaš tu namakaš! Jeli tomu tak njeje, potom so wjeselimy, jeli nam nastorki za polĕpšenja přez nas kontakt dodaš!
Tuž wjele wjesela při pohibowanju w raju PAWKow!
naše zamĕry
- wuměna mjez młodostnymi
- dźěło na młodźinskim polu
- sposrĕdkowanje wĕdy na polu projektoweje organizacije
- dźĕło na europskej runinje
- kubłanje na polu medijow, politiki a wuměłstwa
Hudźbny festiwal
Lubi přećeljo serbskeje hudźby!
Załožba poskići nam pjenježnu podpĕru k wuhotowanju małeho hudźbneho festiwala. Ze stron předsydstwa sym za njón zamołwity a přeprošuju wšitkich, kiž chcedźa jón sobu organizować so pola mje pod e-mail přizjewić.
Rock’n’rollske postrowy, waš Marko Njek
Serbski Photoshopkurs
Lubi młodostni!
Tu mamy zajimały poskitk za wšitkich, kotřiž chcedźa so we wobdźĕłanju lĕtakow a plakatow wuspytać, abo tež zno z programom Photoshop dźĕłaja a tu a tam šće nĕkotre dobre pokiwy trjebaja:
Wot 20. – 23.09.2010 přewjedźe SAEK w kooperaciji z Pawkom wšĕdnje wot 16.00 hodź. serbski Photoshopkurs. Swójski popłatk na wosobu wučini za wučomnikow, studentow a bjezdźĕłnych 20,- € a za dźĕłacych 40,- €. Jedna so wo lĕtny popłatk, to rĕka zo móža so wobdźĕlnicy tež hišće na dalšich kursach w bĕhu přichodnych 12 mĕsacow pola SAEK wobdźĕlić.
Prošu přizjewće so prawje bórze pod e-mail abo 03591/550105, dokelž je kapacita kursa na 10 mĕstnow wobmjezowana!
pokiwy
- 05.08.10 załoženje VAG
- 21.08.10 PowerSerb w Hórkach
- 17.09.-19.09.10 wuměna z SPL w Praze
- 15.10. a 16.10.10 hudźbny festiwal